Tera khayal aaya he

 

Dil ko khush hone ko ek bahana chahiye,

Hotho ko gungunane ko ek tarana chahiye,

 

 

Aaj suraj ki tapan par baadalon ka saaya he,

Is sukun me dil ko tera khayal aaya he,

Mere khwabo ka tere khayalo ka kya koi rista he,

Kabhi mauka mile to, ye pata lagana chahiye,

Itefaq jindagi me nahi hote yu hi,

Isiliye khuda ke aage sar jhukana chahiye,

Khushi ko kahan hoti hai fursat itni,

Jab bhi mil jaye dil se lagana chahiye,

 

Kal aayega jab bhi behtar hi hoga,

Sochna aisa, magar pura jor lagana chahiye,

Chehre par iman ki chamak barkrar rahe hamesha,

Is khatir, dil ko saaf, sabko maaf karte rahna chahiye,

Yaadon ki almarihe me, rahega naya sa ye pal,

Bas ek tarkib aajmana chahiye,

Riston par pyaar ka rang chadana chahiye.

 

 

 P.S. - Aur jab bhi yaad aaye koi,

use phone jaroor lagana chahiye ;)

 Ankur Chaplot

03/04/2012