Maa sab kuch hoti he

Sabra ke itne bade bandh hote hein, Ki apne saare aansu chupa leti hein,
Aur sabra ke itne kacche bandh hote hein, Ki hamari taklif mein apna sara sabr chalka deti hein,

Maa khwabon ki vo unchain hein, Jiske samne aasman chota hein,

Maa vo makhmali rajai he,  Jise odhkar har insan chain se sota hein,

Maa hoti he, to sab kuch jagah par, Sab kuch samay par hota he,

Aur maa dur jati he, Tab sab kuch ho kar bhi, Bas kuch bhi karne ka man nahi hota he,

Maa honsle ki vo gahrai he, jis par har insan tika hota he,

Maa andhere kamre ke dar ko bhagati vo daant he, Jis pi kar insane jina sikta he,

Maa cycle ke paas khada vo bharosa he, Jo kahta he, chalte raho, tum nahi giroge,  

Maa vo himmat he jo, haarkar bhaagne walo ko kahti he,
Datkar khade raho, Saamna karo, bhago mat, dar ko bhaga do,

Maa shakti ka divya rup he, yaa maa shakti ka kup he,

Maa me itni shakti kahan se aati he, Maa itna sab kuch kaise kar pati he,

Umra ke is padav par bhi maa, humse se pehle kaise uthati he,
Subah se lekar shaam tak upar se niche kyun gumati he,

Maa ko har baat ki itni fikr kyun rahti hein,

Mein sochati rahti hu, maa rukati kyun nahi,

Thahrati kyun nahi, apna dhyaan rakti kyun nahi,
Maa aaram karti kyun nahi, Maa aakhir meri baat samajhti kyun nahi,

Phir ek din maa aaram karti he, Mein herat se sochati hu,

Maa aaj kuch karti kyun nahi, Chalo maa kuch kaam karo,

Is tarah mat aaram karo, Aap jaise ho, jo karte ho, Sabse ache ho,

Magar aaj dard se yu kyun rote ho, jaise mein apki maa aur aap mere bacche ho.

Mein nahi kahungi ab aapko kaam mat karo, Bas ab waqt par aaram karo,

Ab jaldi se thik ho jao,  Phir ghotu ko apni god me khilao,
Aur hum sabke liye khir pudi banao, Bas jaldi se thik ho jao.

-          Ankur Chaplot

              Bombay Hospital, Indore, 03/11/12